Leyla Əliyeva Dünya Turizm Təşkilatının Baş katibi ilə görüş keçirib

Heydər Əliyev Fondunun vitse-prezidenti Leyla Əliyeva oktyabrın 27-də Dünya Turizm Təşkilatının Baş katibi Şeyxa Əl Nuveysi ilə görüşdə olub.

Görüş zamanı qonaq paytaxt Bakının ecazkar memarlığı və Zəfər muzeyi barədə xoş təəssüratlarını dilə gətirib.

Tərəflər Azərbaycan ilə qurum arasında qurulan səmərəli əməkdaşlıq əlaqələrinin cari səviyyəsini yüksək qiymətləndiriblər.

Söhbət əsnasında ölkəmizdə turizmin inkişafına dövlət tərəfindən xüsusi diqqət ayrıldığı, regionlarda müasir infrastrukturun qurulduğu diqqətə çatdırılıb.