Burkina Fasoda səkkiz illik fasilədən sonra ölüm hökmü bərpa olundu

Burkina Faso parlamentinin qərarı ilə ölkədə ölüm hökmü səkkiz illik fasilədən sonra yenidən cinayət məcəlləsinə daxil edilib.

AzadAzərbaycan xəbər verir ki, ölkənin Milli Qanunvericilik Assambleyasının deputatları bu cəzanın bərpası məsələsinə yekdilliklə səs veriblər.

Ədliyyə naziri Edasso Rodrige Bayalanın açıqlamasına görə, sözügedən addım ictimai asayişin möhkəmləndirilməsi, eləcə də vətəndaşların və onların əmlakının qorunması məqsədi daşıyır.

Nazir bildirib ki, ölüm hökmü əsasən terror fəaliyyəti, dövlətə xəyanət və müharibə cinayətlərində təqsirli bilinən şəxslərə şamil ediləcək.