Azərbaycanlı çobanın Ermənistan sərhədini keçdiyi iddia olunur

AzadAzərbaycan xəbər verir ki, azərbaycanlı çobanın Ermənistan ilə sərhədi keçməsi barədə qarşı tərəfin mediasında məlumatlar yayılıb.

Erməni kütləvi informasiya vasitələrinin iddialarına görə, həmin şəxs aşkar edilərək saxlanılıb və hazırda Berd şəhərində yerləşən hərbi polisin nəzarətində saxlanılır.

Bununla belə, hadisə ilə bağlı rəsmi qurumların mövqeyi birmənalı deyil. Ermənistanın Müdafiə Nazirliyi məsələyə hələlik heç bir münasibət bildirməyib. Eyni zamanda Ermənistan Milli Təhlükəsizlik Xidməti də elan edib ki, onlarda hazırda bu barədə dəqiq informasiya mövcud deyil.

Tavuş icmasının təmsilçilərindən biri isə sözügedən hadisə haqqında şayiələr eşitdiyini, lakin rəsmi və təsdiqlənmiş məlumata sahib olmadığını vurğulayıb.