Tramp qarşı çıxdı: Netanyahu İrana hücum planını təxirə saldı

İsrailin Baş naziri Benyamin Netanyahu İrana qarşı yenidən genişmiqyaslı hərbi əməliyyatlara başlamaq niyyətində olub. Lakin ABŞ Prezidenti Donald Trampın müdaxiləsindən sonra bu planların gerçəkləşməsi təxirə salınıb.

Böyük Britaniyanın nüfuzlu "Financial Times" nəşrinin yaydığı məlumata əsasən, İsrail hökumətinin rəhbəri oktyabr ayının əvvəlində ölkənin Hərbi Hava Qüvvələrinə İran ərazisinə böyük həcmli zərbələr endirmək üçün hazırlıq əmri verib.

Qeyd olunur ki, İsrail ordusu döyüşə tam hazır vəziyyətə gətirilsə də, Vaşinqtonun mövqeyi prosesi dayandırıb. ABŞ dövlət başçısı Donald Tramp Tel-Əvivin bu hərbi gedişinə kəskin etirazını bildirib. Əmrin ləğv olunmasından sonra Netanyahu HHQ-yə hücum hazırlıqlarını dondurmağı tapşırıb.

Mənbələrin bildirdiyinə görə, Tramp administrasiyası noyabrın 3-də keçiriləcək ABŞ Konqresinə ara seçkilərdən öncə Yaxın Şərqdə gərginliyin artmasını arzulalamır və bu səbəbdən İsrail tərəfini münaqişəni alovlandıracaq adımlardan çəkinməyə çağırıb.