Böyük Britaniya 1000 gün ərzində müharibəyə hazırlaşmalıdır
AzadAzərbaycanRedaksiyaBöyük Britaniyanın müdafiə naziri Ues Stritinq ölkənin növbəti 1000 gün ərzində ehtimal edilən hərbi münaqişəyə hazırlaşmasının vacibliyini bəyan edib.
AzadAzərbaycan xəbər verir ki, Böyük Britaniyanın müdafiə naziri Ues Stritinq "Telegraf" nəşrində yer alan məqaləsində ölkəsinin yaxın 1000 gün ərzində baş verə biləcək hərbi toqquşmalara hazır olmasının vacibliyini vurğulayıb.
Nazirin sözlərinə görə, 2030-cu ilə qədər ehtimal olunan düşmən tərəflər Britaniyaya hücum etmək məqsədilə kifayət qədər hərbi və iqtisadi imkanlar toplaya bilərlər. Bu səbəbdən London ordunun modernləşdirilməsi prosesini təcililəşdirməli, daxili istehsal gücünü artırmalı, həmçinin ABŞ və NATO-dakı müttəfiqləri ilə əlaqələri möhkəmləndirməlidir. Stritinq əlavə edib ki, Britaniya silahlı qüvvələri hazırda gözlənilən münaqişə üçün tələb olunan səviyyədə hazır deyil.
Xatırladaq ki, bir qədər əvvəl Böyük Britaniya rəhbərliyi fövqəladə hallara qarşı tədbir görmək məqsədilə ölkə sakinlərinə üç günlük su və ərzaq ehtiyatı tədarük etməyi tövsiyə etmişdi.
