Tibo Kurtua qrip səbəbindən Barselona ilə oyunu buraxacaq

İspaniya çempionatının 10-cu turu çərçivəsində keçiriləcək "Barselona" - "Real Madrid" matçında paytaxt təmsilçisi itki ilə üzləşib.

Madrid klubunun mətbuat xidmətindən verilən məlumata görə, komandanın belçikalı qapıçısı Tibo Kurtua qripə yoluxduğu üçün bu gün keçiriləcək prinsipial səfər qarşılaşmasını buraxmalı olacaq.

Qeyd edək ki, nəhənglərin bu qarşılaşması oktyabrın 26-da Bakı vaxtı ilə gecə saat 00:00-da start götürəcək.