Azərbaycanlı gənc futbolçu karyerasını İspaniyada davam etdirəcək

Azərbaycanlı daha bir gənc futbolçu legioner həyatı yaşamağa hazırlaşır. Ölkəmizin U-17 yığma komandasının üzvü Amin İmanverdiyev karyerasında yeni addım atıb.

Gənc hücumçu İspaniyanın III Liqasında mübarizə aparan "Mursiya" klubu ilə rəsmi razılığa gəlib. Tərəflər arasında 3 il müddətinə nəzərdə tutulan müqavilə imzalanıb.

Qeyd edək ki, Amin İmanverdiyev "Mursiya" komandasına keçməzdən əvvəl İspaniyanın digər təmsilçisi olan "Osense" klubunun şərəfini qoruyub.