Türkiyə Prezidenti Rəcəb Tayyib Ərdoğan Azərbaycana səfər edəcək

Türkiyə lideri Rəcəb Tayyib Ərdoğan Azərbaycan Prezidenti İlham Əliyevin dəvəti ilə ölkəmizə səfər edəcək.

Bu barədə Türkiyə Prezident Administrasiyasının Kommunikasiya İdarəsinin rəhbəri Burhanəddin Duran məlumat verib.

Azərbaycanın Zəfər Günü münasibətilə baş tutacaq səfər çərçivəsində iki ölkə liderinin ikitərəfli görüşü nəzərdə tutulub.

Danışıqlar zamanı Türkiyə-Azərbaycan strateji əməkdaşlığının müxtəlif istiqamətləri müzakirə olunacaq, eləcə də regional və qlobal proseslər ətrafında fikir mübadiləsi aparılacaq.