Prezident İlham Əliyev Rəcəb Tayyib Ərdoğana məktub ünvanlayıb

Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğana ünvanladığı məktubunda iki ölkəni birləşdirən dərin tarixi köklərə və sınaqlardan uğurla çıxmış sarsılmaz dostluq münasibətlərinə diqqət çəkib.

Dövlət başçısı vurğulayıb ki, Bakı ilə Ankara arasındakı əlaqələr hər zaman həqiqi qardaşlıq tellərinə söykənir və zamanın sınaqlarına sinə gərməyi bacarıb.

Məktubda həmçinin 2021-ci ildə imzalanmış tarixi sənədin əhəmiyyəti xüsusi qeyd olunub. Dövlət başçısı bildirib ki, Türkiyə lideri ilə birgə imzaladıqları Şuşa Bəyannaməsi iki dövlət arasındakı əməkdaşlığı müttəfiqlik zirvəsinə qaldıraraq münasibətlərə keyfiyyətcə yeni məzmun və mahiyyət qazandırıb.