Gəncədə ailə münaqişəsi bıçaqlanma ilə nəticələnib

AzadAzərbaycan xəbər verir ki, Gəncə şəhərində bıçaqlanma faktı qeydə alınıb. Münaqişə zamanı 1966-cı il təvəllüdlü şəhər sakini X.Məmmədli xəsarət alaraq xəstəxanaya çatdırılıb. Həkimlər yaralı qadının sağlamlıq vəziyyətini kafi kimi qiymətləndirirlər.

Daxil olan məlumatlara əsasən, hadisə ailə daxilində yaranmış mübahisə zəminində baş verib. 1965-ci il təvəllüdlü A.Məmmədov aralarında yaranan narazılıq zamanı həyat yoldaşı X.Məmmədliyə bıçaqla xəsarət yetirib.

Cinayət əməlini törətməkdə şübhəli bilinən A.Məmmədovun saxlanılması üçün hüquq-mühafizə orqanlarının əməkdaşları tərəfindən əməliyyat-axtarış tədbirləri həyata keçirilir. Faktla bağlı müvafiq araşdırmalar davam etdirilir.