Qubada Beynəlxalq Gənclər Forumunun rəsmi açılışı olub

AzadAzərbaycan xəbər verir ki, VII Ümumdünya Mədəniyyətlərarası Dialoq Forumu ərəfəsində Quba şəhərində Beynəlxalq Gənclər Forumunun təntənəli açılış mərasimi baş tutub.

Mədəniyyət Nazirliyindən verilən məlumata əsasən, tədbirdəki çıxışlarda gənclərin xalqlar arasında əməkdaşlığın inkişafında, mədəniyyətlərarası dialoqun təşviqində və qarşılıqlı anlaşmanın dərinləşməsində mühüm rol oynadığı diqqətə çatdırılıb.

Tədbirin gənc liderlər üçün təcrübə bölüşmək, fikir mübadiləsi aparmaq və ortaq gələcək naminə yeni tərəfdaşlıq imkanları yaratmaq baxımından böyük əhəmiyyət kəsb etdiyi vurğulanıb.

BMT-nin Sivilizasiyalar Alyansının gənclər şəbəkəsi üzvlərinin də qatıldığı forum çərçivəsində aparılacaq müzakirələr və nəzərdə tutulan fəaliyyətlər mədəniyyətlərarası əlaqələrin gücləndirilməsinə xidmət edəcək. Qeyd edək ki, beynəlxalq tədbir oktyabrın 26-dək davam edəcək.