Bavariya klubunun baş məşqçisi Vensan Kompani xəstəxanasından evə buraxılıb

Almaniyanın Bavariya klubunun baş məşqçisi Vensan Kompani müalicəsini davam etdirdiyi xəstəxanadan evə buraxılıb.

Belçikalı mütəxəssisin səhhətinin qəfil pisləşməsinə səbəb beyin qişalarının qıcıqlanması ilə xarakterizə olunan meningeal sindrom olub.

Son məlumatlara əsasən, Kompaninin vəziyyətində yaxşılaşma müşahidə edilib və o, artıq tibb müəssisəsini tərk edib. Halbuki əvvəlcə baş məşqçinin xəstəxanada bir neçə gün qalacağı gözlənilirdi.

Xatırladaq ki, ötən həftə Kompani klubun məşq bazasında huşunu itirib və bundan sonra helikopterlə xəstəxanaya çatdırılıb. Məlumata görə, mütəxəssis bundan əvvəl virus infeksiyasına yoluxsa da, işini davam etdirib.