Salyanda ildırım düşməsi nəticəsində fərdi yaşayış evində yanğın baş verib

Salyan rayonunun Şorsulu kəndində təbiət hadisəsi fəsadlar töradıb. Kənd sakini Maarif Məmmədova məxsus fərdi yaşayış evinə ildırım düşüb.

Səhər saat 5 radələrində baş verən hadisə nəticəsində tikilinin bir otağı tamamilə yanaraq yararsız vəziyyətə düşüb. Eyni zamanda, evdəki əşyalara da ciddi ziyan dəyib.

AzadAzərbaycan xəbər verir ki, əraziyə dərhal Salyan Dövlət Yanğından Mühafizə İdarəsinin qüvvələri cəlb olunub. Yanğınsöndürənlərin operativ müdaxiləsi sayəsində alovun evlərin digər otaqlarına yayılmasının qarşısı alınıb.