Rusiyanın Ukrayna müharibəsinə cəlb etdiyi taciklərin sayı açıqlanıb

AzadAzərbaycan xəbər verir ki, 2026-cı ilin ilk doqquz ayında Rusiya Ukraynaya qarşı döyüş əməliyyatlarına 1400-ə yaxın Tacikistan vətəndaşını cəlb edib. Bu barədə Rusiya hərbçilərinin təslim olmaq istəklərini qəbul edən Ukraynanın “Yaşamaq istəyirəm” dövlət layihəsi məlumat yayıb.

Layihənin təqdim etdiyi rəqəmlərə əsasən, oktyabrın 1-dək Rusiya Mərkəzi Asiyanın beş ölkəsindən ümumilikdə 20 min 437 nəfəri müharibəyə göndərib. Onlardan 5 min 308 nəfəri məhz Tacikistan vətəndaşlarıdır. Bu statistika yalnız Tacikistan vətəndaşlığını qoruyub saxlayan şəxsləri əhatə edir, Rusiya pasportu alanlar isə ayrıca qeydə alınır.

Məlumatda qeyd olunur ki, Tacikistan müharibəyə cəlb olunan vətəndaşların sayına görə region ölkələri arasında yalnız Özbəkistandan geri qalaraq ikinci yerdə qərarlaşıb. Ölkələr arasında ikili vətəndaşlıq sazişinin mövcud olduğu bildirilir.

Ekspertlər bu vəziyyəti Düşənbənin Moskvaya sadiqlik nümayiş etdirmək istəyi ilə əlaqələndirirlər. Xatırladaq ki, Tacikistan iqtisadiyyatı əsasən Rusiyada işləyən miqrantların göndərdiyi vəsaitlərdən asılıdır.