Oman sahillərində hərəkət edən gəmiyə raket zərbəsi endirilib

Oman sahillərinin yaxınlığında gəmi naməlum mərmi ilə vurulub. Bu barədə Böyük Britaniya Dəniz Ticarət Əməliyyatları Təşkilatı (UKMTO) məlumat yayıb.

Qurumdan bildirilib ki, insident Lima yaşayış məntəqəsindən 9 mil şimal-şərqdə qeydə alınıb. Gəmi kapitanının verdiyi məlumata əsasən, zərbə nəticəsində göyərtənin sağ hissəsində dəlik əmələ gəlib.

Hazırda gəminin vəziyyətinin nəzarətdə olduğu və ekipaj üzvlərinin tam təhlükəsizlikdə olduğu qeyd edilir.