Yaponiyanın şərq sahillərində 6,1 bal gücündə zəlzələ qeydə alınıb

Yaponiyanın Honsü adasının şərq sahilləri yaxınlığında 6,1 maqnitudalı güclü zəlzələ qeydə alınıb.

Avropa-Aralıq dənizi Seysmoloji Mərkəzinin yaydığı məlumata əsasən, təbii fəlakətin episentri təxminən 100 min əhalisi olan Narita şəhərindən 199 kilometr cənub-şərqdə yerləşib. Yeraltı təkanların ocağı isə 10 kilometr dərinlikdə yerləşib.

Hadisə nəticəsində xəsarət alanlar və ya hər hansı dağıntı barədə h hələ ki məlumat daxil olmayıb. Mütəxəssislər tərəfindən sunami təhlükəsinin də elan edilmədiyi bildirilib.