Maştağadakı psixiatriya xəstəxanasında xəstələri çəkənlər cəzalandırılıb

AzadAzərbaycan xəbər verir ki, sosial şəbəkələrdə Maştağada yerləşən 1 saylı Psixiatriya Xəstəxanasından çəkilən kadrlar geniş müzakirələrə yol açıb.

Paylaşılan videogörüntülərdə xəstələrin həssas vəziyyətinin əks olunması və bunun gülüş mənbəyi kimi təqdim edilməsi ictimaiyyətin sərt etirazı ilə qarşılanıb.

Məsələ ilə bağlı Səhiyyə Nazirliyindən bildirilib ki, yayılan görüntülər əvvəlki tarixə aiddir və həmin dövrdə müvafiq araşdırma aparılıb.

Qanun pozuntularına yol verən və çəkilişi həyata keçirən şəxslərlə bağlı qanunvericiliyə uyğun tədbirlər görüldüyü diqqətə çatdırılıb.