Leyla Əliyeva Arkadağda "Galkynyş" milli atüstü oyunlar qrupunun şousunu izləyib

AzadAzərbaycan xəbər verir ki, Heydər Əliyev Fondunun vitse-prezidenti Leyla Əliyeva oktyabrın 19-da Arkadağ şəhərində yerləşən Göroğlu adına Dövlət Atçılıq Sirkində Türkmənistan Prezidentinin Ahal-təkə atçılıq kompleksinin məşhur "Galkynyş" milli atüstü oyunlar qrupunun çıxışına baxıb.

Tədbir çərçivəsində "Galkynyş" kollektivi at üstündə çətin və mürəkkəb fəndlər nümayiş etdirərək, hazırladıqları zəngin və rəngarəng proqramla izləyicilərin böyük rəğbətini qazanıb.

Bununla yanaşı, səhnədə Türkmənistan Dövlət Sirkinin və Arkadağ şəhərinin Göroğlu adına Dövlət Atçılıq Sirkinin akrobatları ilə artistləri də maraqlı və yaddaqalan nömrələrlə çıxış ediblər.