Aktrisa Pərvin Abıyeva şəxsi həyatındakı uğursuz münasibətdən danışıb

Azərbaycanlı aktrisa Pərvin Abıyeva şəxsi həyatı ilə bağlı səmimi açıqlamaları ilə diqqət çəkib. O, sosial şəbəkədəki canlı yayım zamanı uzun müddət davam edən sevgisi ilə bağlı təəssüf doğuran detalları izləyiciləri ilə bölüşüb.

Sənətçi bildirib ki, sonuncu münasibəti tam üç il çəkib və bu müddət ərzində ona daim yalan vədlər verilib. Münasibətin əvvəlində ailə qurmaq və uşaq sahibi olmaq kimi gözəl niyyətlərin olduğunu deyən aktrisa, qarşı tərəfin bu etimaddan sui-istifadə etdiyini vurğulayıb.

Hər bir qadın kimi onun da ailə qurmaq və ana olmaq arzusunda olduğunu qeyd edən Pərvin Abıyeva aldadıldığını gizlətməyib. O, güclü görünməyə çalışsa da, kövrək bir ürəyə sahib olduğunu və uzun müddət səbirlə gözlədiyini etiraf edib.