ABŞ-ın Dallas şəhərində üç ayrı atışma qeydə alınıb

AzadAzərbaycan xəbər verir ki, ABŞ-ın Texas ştatının Dallas şəhərində üç ayrı atışma hadisəsi qeydə alınıb. İnsidentlər nəticəsində azı 4 nəfər həyatını itirib, 15 nəfər isə müxtəlif dərəcəli xəsarətlər alıb.

Yerli polis məlumat yayıb ki, faciəvi hadisələr şənbədən bazara keçən gecə şəhərin müxtəlif məntəqələrində baş verib. İlkin araşdırmalara əsasən, bu insidentlərin bir-biri ilə əlaqəli olmadığı müəyyənləşdirilib.

Hüquq-mühafizə orqanlarının rəsmiləri yaralı sayının arta biləcəyini istisna etmirlər. Belə ki, silahlı hücumlardan sonra bir neçə yaralı müstəqil şəkildə tibb müəssisələrinə müraciət edib.

Polis əməkdaşları tərəfindən həyata keçirilən əməliyyat nəticəsində şübhəli şəxslər saxlanılıb. Faktla bağlı dərhal təhqiqat başlanıb.