Tesla şirkəti klassik avtomobil texnologiyasını yenidən həyata qaytarır

Yeni Tesla Roadster elektrikli superkarı hərəkətli gövdə panellərinin arxasında gizlənmiş qeyri-adi faralarla təchiz edilib. İşığı yandırdıqda bu panellər aşağı düşür.

Belə bir həll klassik idman avtomobillərinin texnologiyasını xatırladır. Lakin bu sistem kapotdan yuxarı qalxan ənənəvi fənərlərdən əhəmiyyətli dərəcədə fərqlənir.

Mexanizmin işini Tesla şirkətinin baş mühəndisi Lars Moravi və dizayner Frans fon Holzhauzen nümayiş etdiriblər. Tərtibatçıların fikrincə, gizli faralar avtomobilin ön hissəsini hamar və minimalist saxlamağa kömək edəcək. Bundan əlavə, belə bir həll aerodinamik göstəriciləri də yaxşılaşdıracaq.

Qeyd etmək lazımdır ki, oxşar dizayn artıq avtomobil tarixində mövcud olub. Məsələn, 1992-ci ildə buraxılan Jaguar XJ220 modelində də faraları açmaq üçün paneldən istifadə edilmişdi. Həmçinin oxşar prinsip mobil elementlərin optikanı qismən örtdüyü Ferrari Daytona SP3-də də tətbiq olunur.

Klassik geri çəkilə bilən faralar 2000-ci illərin əvvəllərində kütləvi avtomobil sənayesindən demək olar ki, yox olmuşdu. Buna səbəb əsasən piyadaların təhlükəsizliyi ilə bağlı tələblər idi. Hələlik Tesla Roadster-in bu dizaynının seriya istehsalına necə rəvac alacağı isə dəqiq bilinmir.