Qubada idman kompleksinin direktoru və mühasibi barədə həbs qərarı verilib

AzadAzərbaycan xəbər verir ki, Quba İdman, istirahət, təlim və tədris kompleksinin direktoru Rəşid Orucov və baş mühasib Vidadi Şirinov qanunazidd əməllərdə ittiham olunurlar.

Aparılan istintaq tədbirləri zamanı məlum olub ki, Azəridmanservis MMC-nin tabeliyindəki bu qurumda külli miqdarda vəsait mənimsənilib.

İstintaq materiallarına əsasən, törədilən cinayət əməlləri nəticəsində dövlətə və ya təşkilata dəyən ziyanın ümumi məbləği yarım milyon manatdan çoxdur.

Toplanan sübutlar əsasında təqsirləndirilən şəxslər barəsində Binəqədi Rayon Məhkəməsinin qərarı ilə həbs qətimkan tədbiri seçilib.