Milli Qəhrəman İbad Hüseynov Gürcüstanda saxlanılıb

Azərbaycanın Milli Qəhrəmanı İbad Hüseynov Gürcüstana səfəri zamanı xoşagəlməz hadisə ilə qarşılaşıb. Bu barədə məlumatı onun yaxınları sosial şəbəkə hesablarında paylaşıblar.

Məlumata görə, oktyabrın 23-də Gürcüstanda təşkil olunacaq tədbirdə iştirak etmək üçün Tiflisə yola düşən İbad Hüseynov hava limanında yerli gömrük əməkdaşları tərəfindən saxlanılıb. Keçid zamanı ona ölkə ərazisinə daxil olmasına icazə verilməyəcəyi bildirilib.

Yaranmış problemlə bağlı Azərbaycanın Gürcüstandakı Səfirliyi dərhal məsələyə müdaxilə edib. Diplomatik korpusun səyləri nəticəsində Milli Qəhrəman qısa müddətdə sərbəst buraxılıb.