Paşinyan Rusiya ilə dəmir yolu üzrə məsələləri həll etmək üçün İşçi Qrupu yaradıb

Baş nazir Nikol Paşinyan Ermənistan dəmir yollarının konsessiyası məsələlərini müzakirə etmək üçün Rusiya ilə İşçi Qrupunun yaradılması barədə qərar imzalayıb. Ermənistan mediasının xəbərinə görə, Ermənistan Baş nazirinin qərarı ilə İşçi Qrupuna ərazi idarəsi və infrastruktur nazirinin müavini David İvanyan rəhbərlik edəcək. Ermənistan tərəfindən xarici işlər nazirinin müavini Mnatsakan Safaryan, maliyyə nazirinin müavini Edqar Mkrtçyan, Ərazi İdarəetmə Nazirliyinin dəmir yolu və su nəqliyyatı siyasəti idarəsinin rəisi Artak Papyan da İşçi Qrupuna daxil edilib.