İlham Əliyev: Son 35 ildəki nailiyyətlər Azərbaycan xalqının zəhmətinin bəhrəsidir

Azərbaycan Prezidenti İlham Əliyev VII Ümumdünya Mədəniyyətlərarası Dialoq Forumundakı çıxışında ölkəmizin son 35 ildə əldə etdiyi nailiyyətlərdən bəhs edib. Dövlət başçısı bu uğurların sırf Azərbaycan xalqının gücü və iradəsi sayəsində qazanıldığını diqqətə çatdırıb.

AzadAzərbaycan xəbər verir ki, dövlətimizin rəhbəri bu inkişaf yolunda hər hansı kənar yardımın olmadığını xüsusi qeyd edib. O, ölkənin çətin sınaqlardan keçərək böyük uğurlara imza atdığını bildirib.

Prezident vurğulayıb ki, Azərbaycan işğalın, dağıntıların və kütləvi yoxsulluğun hökm sürdüyü ağır dövrlərdən adlayaraq bugünkü inkişafa, tərəqqiyə və böyük nailiyyətlərə nail olmağı bacarıb.