Gəncə-Mingəçevir-Gəncə marşrutu üzrə əlavə qatar reysləri təyin olunub

"Azərbaycan Dəmir Yolları" QSC Zəfər Günü və Dövlət Bayrağı Günü bayramları ilə əlaqədar sərnişin axınının artmasını nəzərə alaraq Gəncə-Mingəçevir-Gəncə istiqamətində əlavə qatar reysləri tətbiq edib.

Qurumdan verilən məlumata əsasən, əlavə qatar səfərləri noyabrın 8-də həm Gəncədən, həm də Mingəçevirdən həyata keçiriləcək.

Sərnişinlər gediş biletlərini "Azərbaycan Dəmir Yolları"nın rəsmi internet səhifəsindən, "ADY Mobile" mobil tətbiqi vasitəsilə və ya dəmiryol vağzallarının kassalarından əldə edə bilərlər.