Afaq Bəşirqızı Zəfər Günü münasibətilə Azərbaycan xalqını təbrik edib

Xalq artisti Afaq Bəşirqızı 8 Noyabr - Zəfər Günü münasibətilə Azərbaycan xalqını, qaziləri və şəhidlərin ruhunu dərin ehtiramla yad edərək təbrik mesajı yayımlayıb.

Aktrisa bəyan edib ki, Azərbaycan xalqı Ali Baş Komandanın ətrafında bir yumruq kimi birləşərək öz torpaqlarını azad etməyə müvəffəq olub. O, ölkənin hər zaman yalnız öz gücünə arxalanmasının vacibliyini vurğulayıb.

Xalq artisti Azərbaycan xalqına və ölkə rəhbərliyinə cansağlığı arzulayaraq, Vətən uğrunda canından keçənlərin və xidməti olanların qarşısında baş əydiyini bildirib.