Dünyanın ən böyük sərnişin təyyarəsi A380 Moskvaya eniş edə bilməyib

AzadAzərbaycan xəbər verir ki, Dubay şəhərindən Moskvaya hərəkət edən və dünyanın ən böyük sərnişin təyyarəsi hesab olunan Airbus A380 təhlükəsizlik baxımından tətbiq edilən məhdudiyyətlərə görə Domodedovo hava limanında eniş edə bilməyib.

Rəsmi məlumatlara görə, hava gəmisi hazırda Penza vilayəti səmasında dövrə vurmaqdadır. Hava gəmisinin heyəti Moskva aeroportlarında uçuş və enişlərin bərpa olunmasını və ya başqa bir ehtiyat aerodroma yönləndirilmə barədə qərarın verilməsini gözləyir.