Azərbaycanda tanınmış taksi sifarişi xidmətinin adı dəyişdirildi

Azərbaycanda fəaliyyət göstərən tanınmış "Uber" taksi sifarişi xidmətinin adı dəyişdirilib.

AzadAzərbaycan xəbər verir ki, platforma bundan sonra "Heetch AZ" adı altında fəaliyyətini davam etdirəcək.

Sözügedən yeniliklə bağlı məlumat tətbiqin "Google Play" platformasındakı rəsmi səhifəsində qeyd olunub. Tətbiqin açıqlamasında "Uber AZ" xidmətinin "Heetch" olaraq adlandırıldığı və sadəcə brend adının dəyişdiyi diqqətə çatdırılıb.

Ad dəyişikliyi baş versə də, tətbiqin mövcud texniki identifikatoru əvvəlki qaydada saxlanılıb. Bu da platformanın birbaşa əvvəlki tətbiq üzərindən işini davam etdirdiyini təsdiqləyir.