Almaniyanın xüsusi təyinatlı qüvvələri Rusiya ilə müharibəyə hazırlaşır

Almaniyanın elit KSK xüsusi təyinatlı qüvvələri təlim proqramlarını və taktikalarını tamamilə dəyişdirərək Rusiya ilə mümkün hərbi toqquşmaya hazırlaşır.

AzadAzərbaycan xəbər verir ki, bunu KSK komandiri Andreas Kühne bildirib. Onun sözlərinə görə, əvvəllər xüsusi əməliyyatlar təxminən üç günə planlaşdırılırdısa, indi hərbçilər çöl şəraitində daha uzun müddətə hazırlıq keçirlər.

Komandir qeyd edib ki, onlar Rusiyanın timsalında güclü düşmənə qarşı açıq şəkildə hazırlaşırlar. Xüsusi təyinatlı qüvvələr tanklar, artilleriya, dronlar və elektron müharibə sistemləri ilə silahlanmış rəqibə qarşı mübarizə aparmağı öyrənirlər.

Təlim prosesində NATO-nun şərq cinahına xas olan həddindən artıq aşağı temperaturlarda keçirilən əməliyyatlara xüsusi diqqət yetirilir. Xatırladaq ki, Ştutqart yaxınlığındakı Kalv şəhərində Zeppelin kazarmasında yerləşən KSK təxminən 1500 nəfərlik şəxsi heyətə malikdir.