Ukrayna qüvvələri Moskva istiqamətində pilotsuz uçuş aparatları ilə hücum cəhdi edib

AzadAzərbaycan xəbər verir ki, oktyabrın 28-i axşam saatlarında Ukrayna Silahlı Qüvvələri pilotsuz uçuş aparatları vasitəsilə Moskvaya zərbə endirməyə cəhd göstərib.

Moskva meri Sergey Sobyanin özünün "Max" kanalındakı səhifəsində bu barədə məlumat yayıb.

Onun sözlərinə görə, paytaxt istiqamətində hərəkət edən səkkiz PUA hava hücumundan müdafiə qüvvələri tərəfindən uğurla zərərsizləşdirilib.

Mer əlavə edib ki, pilotsuz uçuş aparatlarının qalıqlarının düşdüyü ərazilərdə təcili yardım xidmətlərinin əməkdaşları fəaliyyət göstərirlər.