Slovakiyalı politoloqdan Putinin Çin təklifi və Rusiyanın zəifliyi barədə açıqlama

AzadAzərbaycan xəbər verir ki, Rusiya lideri Vladimir Putin Çində Ukraynanın iştirakı olmadan ABŞ və Çin rəhbərləri Donald Tramp və Si Cinpinlə üçtərəfli görüş keçirilməsini təklif edib. Bu təşəbbüsdən sonra Ukrayna və Avropanın razılığı olmadan hər hansı yeni sülh formatının yaradılıb-yaradılmayacağı sualı aktuallaşıb.

Slovakiyalı politoloq və İctimai Problemlər İnstitutunun prezidenti Qriqori Mesejnikov bildirib ki, Donald Trampın belə bir addım atacağı və Çin ilə bu cür formatda razılığa gələcəyi inandırıcı görünmür. Politoloq hesab edir ki, Putinin bu təklifi əslində onun rəhbərlik etdiyi dövlətin zəifliyini etiraf etməsi deməkdir.

O qeyd edib ki, əvvəllər başqa ölkələrə diktə etməyə çalışan Rusiya indi Ukrayna məsələsində ABŞ və Çinin dəstəyi olmadan irəlilə bilmir. Eyni zamanda, Avropa ölkələrinin və Ukraynanın iştirakı olmadan hazırlanan heç bir razılaşmanın qəbuledilməz olduğu və ciddi qalmaqala səbəb olacağı vurğulanıb.

Ekspert əlavə edib ki, hazırda Avropanın ən güclü ordularından birinə sahib olan Ukraynanın kənar təzyiqlər qarşısında geri çəkiləcəyi və təslim olacağı ehtimalı çox aşağıdır.