Seda Sayandan Vanda Nara və Mauro İkardi münasibətlərinə dair sərt açıqlama

AzadAzərbaycan xəbər verir ki, məşhur Türkiyə müğənnisi Seda Sayan Qalatasaray futbolçusu Mauro İkardi ilə keçmiş həyat yoldaşı Vanda Nara arasındakı münasibətləri şərh edib.

Sənətçinin fikrincə, Vanda Nara cütlüyün boşanmasından sonra İkardinin yox, məhz əldə etdiyi dəbdəbəli həyat tərzinin və var-dövlətin arxasınca düşüb. O qeyd edib ki, Nara itirdiyi komforta görə təəssüf çəkir və bir daha belə imkanlar əldə edə bilməyəcəyini yaxşı bilir.

Bununla yanaşı, Sayan İkardinin həyatında hər şeyin qaydasında olduğunu və futbolçunun hazırda xoşbəxt olduğunu vurğulayıb.

Müğənninin bu sözləri qısa zaman ərzində Türkiyə mətbuatı və sosial şəbəkələrdə geniş müzakirələrə yol açıb.