Prezidentin təltif etdiyi tanınmış aparıcı Nailə İslamzadənin həyat və fəaliyyəti

AzadAzərbaycan xəbər verir ki, dövlət başçısının sərəncamı ilə təltif olunan media nümayəndələri arasında tanınmış aparıcı Nail də İslamzadə də yer alıb.

Nailə İslamzadə 1961-ci il noyabrın 2-də Balakən rayonunda dünyaya gəlib. Tələbəlik illərində rəfiqələrinin təkidi ilə qoşulduğu diktorluq müsabiqəsində dörd yüz namizəd arasından seçilərək Azərbaycan Dövlət Televiziyasında fəaliyyətə başlayıb. O, ilk dəfə 1983-cü il fevralın 19-da efirə çıxıb.

Zəngli televiziya illərində "Xəbərlər" proqramının aparıcısı olan İslamzadə, həmçinin on il "Ailələr, talelər" verilişinin müəllifi və aparıcısı kimi tanınıb. O, 1998-ci ildə Azərbaycanın əməkdar artisti fəxri adına layiq görülüb.

Əmək fəaliyyəti dövründə Rabitə və İnformasiya Texnologiyaları Nazirliyinin Multimedia Mərkəzinin rəisi vəzifəsində də çalışıb, TRT Avaz kanalında yayımlanan "İş'te kadın" proqramına rəhbərlik edib. 2019-cu ilin sentyabrından İTV-də fəaliyyət göstərən aparıcı hazırda "Ötən günlər" verilişinin simalarından biridir.