Politoloq: Siyasətdə informasiya təxribatlarına karşı düşüncə və yanaşmalar dəyişməlidir

AzadAzərbaycan xəbər verir ki, sosial şəbəkələrin və rəqəmsal texnologiyaların gündəlik həyatımızdakı rolu sürətlə artmaqdadır. Günümüzdə hər bir fərd, virtual aktivliyindən asılı olmayaraq, rəqəmsal aləmdə baş verən proseslərin mərkəzinə düşə bilər. Bu sahə artıq özünəməxsus qayda-qanunları ilə idarə olunur və gələcəkdə ciddi kiber təhdidlərə zəmin yaradır.

Politoloq Asif Adil mövzu ilə bağlı bildirib ki, süni intellekt vasitəsilə həyata keçirilən kibertəxribatlar müasir siyasətin tərkib hissəsinə çevrilib. Süni intellekt alqoritmləri səbəbindən siyasətdə dəqiq fakt anlayışı öz əvvəlki dəyərini itirir, yerini emosional manipulyasiyalara və şantaj alətlərinə verir. Bu cür texnologiyaların məqsədi cəmiyyətdə şübhə toxumu səpmək və ideoloji parçalanma yaratmaqdır.

Ekspert vurğulayıb ki, müasir informasiya müharibəsi şəraitində heç kim rəqəmsal təhdidlərdən tam sığortalanmayıb. Bu səbəbdən siyasi və ictimai münasibətlərdə köhnəlmiş metodlardan imtina edilməli, yeni və müasir ideoloji iş mexanizmləri tətbiq olunmalıdır.