Özbəkistanda üç qız atası dörd oğul övladının dünyaya gələcəyini öyrənib

Özbəkistanda maraqlı və nadir hadisələrdən biri qeydə alınıb. Ailəsində artıq üç qız övladı böyüyən ata xanımının dördəm oğlan uşağı dünyaya gətirəcəyini öyrənib.

Həmişə oğul övladı arzusunda olan ailə üçün bu xəbər böyük və sevincli bir sürpriz olub. Hazırda ailə başçısı eyni vaxtda yeddi övlad atası olmağa və bunun gətirdiyi yüksək məsuliyyəti qarşılamağa hazırlaşır.

Qeyd olunur ki, belə unikal hallar nadir olsa da, ölkədəki ümumi demoqrafik vəziyyətin göstəricisidir. Hazırda Özbəkistanda çoxuşaqlı ailələrin payı nəzərəçarpacaq dərəcədə yüksəlir.

Müqayisə üçün bildirək ki, 1989-cu il siyahıyaalmasında Özbəkistan SSR-in əhalisi təqribən 19,9 milyon nəfər təşkil edirdisə, hazırda ölkə əhalisinin sayı iki dəfəyə yaxın artaraq 38,5 milyonu ötüb.