Həddindən artıq qida qəbulu ürək üçün ciddi təhlükə yaradır

Bir dəfəyə həddindən artıq miqdarda qida qəbul etmək insan ürəyi üçün böyük təhlükə mənbəyidir. Mütəxəssislər bildirirlər ki, belə vəziyyət orqanın üzərinə düşən yükü qat-qat artırır.

Xüsusilə işemiya, qan dövranı pozğunluqları və ya koronar sindrom kimi narahatlıqları olan şəxslərdə böyük porsiyalarla qidalanmaq sağlamlıq durumunun kəskin pisləşməsini şərtləndirə bilər.

Eyni zamanda, bu cür qidalanma tənəffüs pozğunluqlarına, təngnəfəsliyə, ürək döyüntülərinin sürətlənməsinə və qan təzyiqinin artmasına gətirib çıxarır.

Həkimlər qeyd edirlər ki, həddindən artıq yemək həm də həzm sisteminə mənfi təsir göstərir, xolesistit və pankreatit kimi xəstəliklərin yaranmasına zəmin hazırlayır.

Bundan əlavə, daimi olaraq çox yemək artıq çəkiyə və piylənməyə səbəb olur ki, bu da hipertoniya, ateroskleroz, şəkərli diabet və podaqra riskini artırır.