Ermənistan və Böyük Britaniya arasında yeni hərbi əməkdaşlıq proqramı imzalanıb

AzadAzərbaycan xəbər verir ki, Ermənistan və Böyük Britaniyanın müdafiə idarələrinin təmsilçiləri tərəfindən London şəhərində baş tutan ikitərəfli məsləhətləşmələr çərçivəsində müdafiə sahəsində yeni əməkdaşlıq proqramı imzalanıb.

Görüşlər ərəfəsində hər iki ölkənin hərbi qurumlarının rəsmiləri beynəlxalq və regional təhlükəsizlik mövzularını, eləcə də qarşılıqlı müdafiə əlaqələrinin inkişaf etdirilməsi imkanlarını ətraflı müzakirə ediblər.

Danışıqların sonunda Ermənistan Müdafiə Nazirliyinin Müdafiə siyasəti və beynəlxalq əməkdaşlıq idarəsinin rəhbəri Levon Ayvazyan ilə Böyük Britaniya Müdafiə Nazirliyinin Rusiya, Şərqi Avropa və Mərkəzi Asiya siyasəti üzrə direktoru Kris Kin 2026–2027-ci illəri əhatə edən müdafiə sahəsində əməkdaşlıq proqramını rəsmiləşdiriblər.