Burak Özçivitin rol aldığı serialın yeni anonsu silinib

Türkiyəli tanınmış aktyor Burak Özçivitin baş rolda çəkildiyi "Güneşin Doğduğu Yer" serialının növbəti bölümü üçün hazırlanan tanıtım videosu yayımlandıqdan qısa müddət sonra silinib.

Buna səbəb ekran əsərində qadınlara qarşı zorakılıq elementlərini ehtiva edən kadrların yer alması olub. Bu səhnə izləyicilər tərəfindən birmənalı qarşılanmayıb və sosial şəbəkələrdə narazılıq dalğası yaradıb.

Gələn kütləvi tənqidlərdən sonra layihənin yaradıcı qrupu dərhal addım atıb. Mübahisə doğuran həmin görüntülər videodan çıxarılıb və yenilənmiş anons izləyicilərə təqdim olunub.