Azərbaycan ilə Özbəkistan arasında mədəniyyət sahəsində saziş təsdiqlənib
AzadAzərbaycanRedaksiyaPrezident İlham Əliyev Azərbaycan və Özbəkistan hökumətləri arasında mədəniyyət əməkdaşlığı haqqında sazişin təsdiq edilməsi barədə fərman imzalayıb.
Azərbaycan Respublikasının Prezidenti İlham Əliyev Özbəkistan hökuməti ilə mədəniyyət sahəsində əməkdaşlığa dair imzalanmış Sazişin təsdiq olunması haqqında fərman imzalayıb.
Sənədə əsasən, 2026-cı il avqustun 23-də Daşkənd şəhərində imzalanmış "Azərbaycan Respublikası Hökuməti ilə Özbəkistan Respublikası Hökuməti arasında mədəniyyət sahəsində əməkdaşlıq haqqında Saziş" rəsmi olaraq təsdiq edilib.
Fərmana uyğun olaraq, saziş qüvvəyə mindikdən sonra onun müddəalarının icrasını Azərbaycan Respublikasının Mədəniyyət Nazirliyi təmin edəcək.
Eyni zamanda, Xarici İşlər Nazirliyinə sazişin yürürlüyə girməsi üçün tələb olunan dövlətdaxili prosedurların tamamlandığı barədə Özbəkistan tərəfinə rəsmi bildiriş göndərmək həvalə olunub.
