Ağ Ev seçkilərdən sonra Donald Tramp ilə bağlı paylaşım edib

ABŞ-də aralıq seçkilərində Respublikaçılar Partiyasının məğlubiyyətindən sonra Ağ Ev diqqətçəkən addım atıb. Qurum Donald Trampın fotosunu “Xatırladırıq: Tramp hələ də sizin prezidentinizdir” başlığı ilə ictimaiyyətə təqdim edib.

AzadAzərbaycan xəbər verir ki, Ağ Evin Kommunikasiyalar üzrə direktoru Stiven Çunq da rəsmi sosial şəbəkə hesabında bu mövzu ilə əlaqədar paylaşım edib.

Sözügedən paylaşımlar Demokratların Konqresdə üstünlük əldə etməsindən dərhal sonra yayımlanıb. Seçki nəticələri Demokratlar partiyasına qanunvericilik prosesində və administrasiyaya nəzarət etməkdə daha geniş imkanlar qazandırır.

Buna baxmayaraq, qanunverici orqanda qüvvələr nisbətinin dəyişməsi Donald Trampın prezidentlik səlahiyyətlərinə xitam vermir və onun mövqeyinə təsir göstərmir.