ABŞ-ın müdafiə naziri Pit Heqsetə qarşı impiçment təhdidlərini rədd edib

ABŞ Müdafiə Naziri Pit Heqset ona qarşı irəli sürülən impiçment təhdidlərini qətiyyətlə rədd edərək, bu təşəbbüslərin siyasi məqsədlər güddüyünü bəyan edib. O qeyd edib ki, prezident Donald Trampı vəzifəsindən uzaqlaşdırmağa yönələn əvvəlki cəhdlər kimi, onun özünə qarşı edilən cəhdlər də uğursuzluqla nəticələnəcək.

Pentaqon rəhbərinin sözlərinə görə, bu kampaniyaya narazı respublikaçı konqresmen Tomas Massi və onun Demokrat müttəfiqləri rəhbərlik edirlər. Heqset rəqiblərinin hərəkətlərini siyasi teatr adlandıraraq bildirib ki, onlar öz siyasətlərində real nəticələr əldə edə bilmədikləri üçün bu cür addımlar atmağa məcbur qalırlar.

İmpiçment prosedurunun əsas təşəbbüskarı olan respublikaçı Tomas Massi daha əvvəl Heqseti Konstitusiyanı və federal qanunları pozmaqda ittiham etmişdi. İddialar arasında Konqresin icazəsi olmadan hərbi əməliyyatların keçirilməsi və narkotiklərin qanunsuz dövriyyəsində şübhəli bilinən gəmilərə zərbələr endirilməsi yer alır.

Buna baxmayaraq, Pentaqon rəhbəri heç bir impiçment riski altında olmadığına əminliyini ifadə edib. Prezident Donald Tramp isə daha əvvəl səslənən çağırışlara baxmayaraq, Heqseti müdafiə naziri postunda saxlamaq niyyətində olduğunu bildirib.