Valdas Dambrauskas "Fənərbağça" ilə bağlı yayılan iddialara aydınlıq gətirib
Redaksiya1 dəq oxu
AzadAzərbaycanRedaksiya"Sabah" klubunun baş məşqçisi Valdas Dambrauskas Türkiyə təmsilçisi "Fənərbağça"ya keçəcəyi barədə xəbərlərin həqiqətə uyğun olmadığını bildirib.
AzadAzərbaycan xəbər verir ki, "Sabah" komandasının baş məşqçisi Valdas Dambrauskas Türkiyənin tanınmış "Fənərbağça" klubu barədə ölkə mətbuatında yayılan iddialara münasibət bildirib.
Litvalı mütəxəssis "CBC Sport"a açıqlamasında İstanbul təmsilçisinin sükanı arxasına keçəcəyi haqqında gəzən söz-söhbətlərin reallığı əks etdirmədiyini vurğulayıb.
O, bu cür xəbərlərin heç bir əsası olmadığını qeyd edərək yayılan şayiələri şərh etmək niyyətində olmadığını da sözlərinə əlavə edib.
