Macarıstanın sabiq baş naziri Viktor Orbanın ailəsi Böyük Britaniyaya köçüb
AzadAzərbaycanRedaksiyaMacarıstanın sabiq baş nazirinin ailə üzvlərinin xaricə köçməsi və ölkədəki aktivlərini azaltması ölkədə və beynəlxalq mətbuatda müzakirələrə səbəb olub.
Macarıstanın sabiq baş naziri Viktor Orbanın ailəsinin xarici ölkəyə köçdüyü və ölkə daxilindəki aktivlərini tədricən azaltdığı bildirilir.
Siyasətçinin qızı Reyçel Orban, həyat yoldaşı İştvan Tiborç və övladları ABŞ-da qısamüddətli qaldıqdan sonra Londonun nüfuzlu Covent Garden bölgəsində məskunlaşıblar. Cütlüyün uşaqları artıq Böyük Britaniyadakı özəl təhsil müəssisələrinə cəlb olunublar.
Məlumatlı mənbələr bu yerdəyişməni ABŞ-dakı dəyişən siyasi şərait və Viktor Orbanın tərəfdarı olan Donald Trampın mövqelərindəki dəyişikliklərlə əlaqələndirirlər. Orbanın qohumlarının ABŞ-da qalmağı riskli hesab edərək Londonu seçdikləri vurğulanır.
Eyni zamanda, Macarıstandakı ailə aktivlərinin kütləvi şəkildə satıldığı və ölkədəki maliyyə varlığının minimum səviyyəyə endirildiyi qeyd olunur. Bu vəziyyət ölkənin işgüzar dairələrində müəyyən narahatlıq doğurub.
