Lavrov ABŞ-ın İrana nüvə zərbəsi endirəcəyi iddialarına münasibət bildirib

AzadAzərbaycan xəbər verir ki, Rusiyanın xarici işlər naziri Sergey Lavrov Vaşinqtonun Tehran üzərinə nüvə zərbəsi endirməyə hazırlaşdığı ehtimalını şərh edib. O, belə bir ssenarinin reallaşması üçün ortada hər hansı real əsasların mövcud olmadığını vurğulayıb.

Nazirin sözlərinə görə, amerikalı jurnalist Taker Karlsonun bu barədə səsləndirdiyi fikirlər məhz ABŞ-da keçirilən aralıq seçkiləri dövrünə təsadüf edib. Seçiciləri müəyyən əhval-ruhiyyəyə kökləmək üçün vaxtaşırı bu cür üsul və iddialara əl atılır.

Lavrov əlavə edib ki, mümkün hərbi zərbə ilə əlaqədar yayılan bu cür məlumatlar digər rəsmi və ya etibarlı mənbələr tərəfindən heç bir şəkildə təsdiqlənmir.