İsmayıl Qartal karyerasını İranda davam etdirə bilər

Türkiyənin "Fənərbağça" klubunun sabiq baş məşqçisi İsmayıl Qartalın karyerasını İranda davam etdirmək ehtimalı yaranıb. Təcrübəli mütəxəssis "Traktor" klubundan rəsmi təklif alıb.

Gələn təklifdən dərhal sonra klub rəhbərliyi ilə İsmayıl Qartal arasında danışıqlara start verilib. Hələlik tərəflər arasında aparılan müzakirələrin yekunu və türkiyəli məşqçinin bu təklifə necə cavab verəcəyi məlum deyil.

Xatırladaq ki, İsmayıl Qartal bundan əvvəl də İran təmsilçisi "Persepolis" klubu ilə müqavilə bağlamış və mövsümün sonunadək həmin komandanın baş məşqçisi kimi fəaliyyət göstərmişdi.