İrandan sərt xəbərdarlıq: ABŞ bazaları hədəfə alına bilər

AzadAzərbaycan xəbər verir ki, əgər Vaşinqton İslam Respublikasına qarşı hücum əməliyyatlarını yenidən başladarsa, İran da Avropa qitəsində yerləşən ABŞ hərbi bazalarına qarşı cavab tədbirləri görə bilər.

Məlumatda qeyd olunur ki, Tehranın potensial hədəfləri siyahısına Böyük Britaniya, Almaniya, İtaliya və Portuqaliyada yerləşən Amerika hərbi obyektləri daxildir. Bundan əlavə, İran tərəfi sualtı internet kabellərini də sıradan çıxarmaq imkanlarını nəzərdən keçirir.

Qərb ölkələrinin kəşfiyyat xidmətləri əmindir ki, Tehran Avropadakı ABŞ obyektlərinə qarşı təxribat və hücumlar həyata keçirmək üçün özünün nəzarətində olan qruplaşmalardan və müxtəlif cinayətkar şəbəkələrdən istifadə edə bilər.