Albaniyada 117 yaşlı qadının öldüyü zənn edilərək pensiyası kəsilib

Albaniyanın Ferras kənd sakini, 117 yaşlı Kamile Marranın pensiyası illər əvvəl dövlət qurumlarının onun dünyasını dəyişdiyini ehtimal etməsi səbəbindən dayandırılıb. Tiranadan 100 kilometr məsafədə məskunlaşan uzunömürlü qadının sağ olduğunu sübut etmək üçün yaxınları rəsmi orqanlara çoxlu sayda sənəd təqdim etməli olublar.

Rəsmi məlumatlara görə, 1909-cu təvəllüdlü Marra bu günlərdə 117 yaşını geridə qoyub. Qadının 80 yaşlı oğlu Hisen bildirib ki, anası əsrlik yubileyini qeyd edərkən aidiyyəti qurumlar onun həyatda olmadığını zənn edərək ödənişləri kəsiblər. Ailə şahid ifadələri və lazımi sübutlar topladıqdan sonra bu ay təqaüdün yenidən bərpasına nail olub.

Ömrünün böyük hissəsini kənd təsərrüfatı və heyvandarlıqla keçirən Kamile Marra indiyədək heç vaxt həkimə getməyib və dərman istifadə etməyib. Yoldaşını 36 il öncə itirən 7 övlad anası artıq nəsillərinin beşinci dalğasını görüb.